"Barselona" hujumchisini sotib yuborishga qaror qildi

"Barselona" vingeri Ferran Torres joriy mavsum yakunida Kataloniya grandini tark etishga yaqin turibdi. Bu haqda Goal.com portali xabar bermoqda.

Hujumkor yarim himoyachi "ko‘k-anorranglilar" tarkibidagi o‘rnini yo‘qotdi va murabbiylar shtabi endi uning xizmatlariga umid qilmayapti. Klub yozgi transfer oynasida Torresni qo‘yib yuborishga tayyor.

Transfermarkt portali 23 yoshli futbolchining narxini 30 million yevroga baholamoqda. Ferranning shartnomasi 2027 yilning o‘rtalarigacha amal qiladi.

Torres joriy mavsumda “Barselona” safida 23 ta o‘yinda maydonga tushib, 2 ta gol urdi.