Armaniston Yevropa Ittifoqiga qo‘shiladimi?
Armaniston Markaziy saylov komissiyasi (MSK) mamlakatning Yevropa Ittifoqiga qo‘shilishi masalasi bo‘yicha imzo to‘plash jarayonini boshlashi mumkin. Bu haqda MSK matbuot xizmati saytida ma’lum qilindi.
Payshanba kuni «Respublika» partiyasi raisi o‘rinbosari Artak Zeynalyan timsolida vakolatli vakili bo‘lgan bir guruh shaxslar mamlakatning Yevropa Ittifoqiga qo‘shilishi masalasi bo‘yicha imzo to‘plash jarayonini boshlash bo‘yicha hujjat taqdim etdi.
⏳ Markaziy saylov komissiyasi tashabbus guruhi va uning vakolatli vakilini ro‘yxatga olish to‘g‘risidagi arizani 10 kun muddatda ko‘rib chiqadi.
Ma’lum qilinishicha, qonun loyihasini parlament muhokamasiga qo‘yish uchun 50 ming Armaniston fuqarosining imzosini to‘plash kerak.
❕ Avvalroq, o‘tgan hafta Armaniston bosh vaziri Nikol Pashinyan Kollektiv xavfsizlik shartnomasi tashkilotining barcha organlaridagi ishtirokini vaqtinchalik to‘xtatib qo‘yganini e’lon qilgan edi.
Iyun oyida Zaqafqaziya davlati rahbari KXSHTni a’zolari Armanistonga Ozarbayjon bilan urushda hech qanday yordam bermagan «ko‘pikli ittifoq» deb ta’rifladi.
