AQShliklar nega vaksinadan bosh tortmoqda?

AQShning sobiq prezidenti Donald Tramp aminki, mamlakatda emlash darajasining pasayishi Amerikaning amaldagi rahbari Jo Bayden ma’muriyatiga bo‘lgan ishonchsizlik bilan bog‘liq.

Tramp Bayden 4 iyulda nishonlanadigan AQSh Mustaqilligi kuniga qadar mamlakat aholisining kamida 70 foiz qismiga emlashni ta’minlashni maqsad qilganini, ammo bu maqsadga erishilmaganini ta’kidladi.

"Uning (Bayden) ishi yaxshi emas", dedi Tramp 18 iyul, yakshanba kuni e’lon qilgan bayonotida.

Sobiq prezidentning so‘zlariga ko‘ra, amerikaliklar emlashdan bosh tortishadi, chunki ular saylov natijalariga, Bayden ma’muriyatiga va "haqiqatni aytishdan bosh tortgan" ommaviy axborot vositalariga ishonmaydilar.