AQShda Trampga qarshi keng ko‘lamli norozilik namoyishlariga tayyorgarlik ko‘rilmoqda — Axios

"Demokratik partiyaga yaqin bo‘lgan 100 dan ortiq tashkilotlar 14 iyun kuni, ya’ni Trampning tug‘ilgan kunida, butun AQSh bo‘ylab prezidentga qarshi ommaviy norozilik namoyishlari uyushtirshni rejalashtirmoqda", deya xabar bermoqda nashr manbalariga tayanib.

Xabar berilishicha, bir kunlik ushbu tadbir “No Kings” (“Hech qanday podshohlar yo‘q”) deb ataladi. Aksiyaning maqsadi avtoritarizmni rad etish hisoblanadi.

Tashkilotchilar mazkur aksiyada butun mamlakat bo‘ylab millionlab odamlar qatnashishiga umid qilmoqda.

Bundan tashqari, Kolumbiya, Malavi, Italiya, Portugaliya, Germaniya va Buyuk Britaniyada ham norozilik namoyishlari o‘tkazilishi rejalashtirilgan.

Donald Tramp esa o‘z tug‘ilgan kunini nishonlash uchun Vashingtonda ko‘p million dollarlik harbiy parad o‘tkazmoqchi. 14 iyun kuni nafaqat Trampning tug‘ilgan kuni, balki AQSh Qurolli kuchlari tashkil etilganining 250 yilligi ham nishonlanadi.

Prezident Tramp shanba kuni bo‘lib o‘tadigan parad chog‘ida yuzaga kelishi mumkin bo‘lgan har qanday norozilik namoyishlari “juda katta kuch bilan” bostirilishini aytdi.