AQSh klubi Shomurodovni 5 million dollarga sotib olmoqchi

Amerikaning MLS klubi "Atlanta Yunayted" hujumchi Eldor Shomurodov bo‘yicha "Roma"ga rasmiy taklif yubordi.

Italiya OAVsi bergan ma’lumotlariga ko‘ra, taklif 5 million dollarni tashkil etadi (bu hozirgi kurs bo‘yicha taxminan 4,5 million yevro). Bu muzokaralarni boshlash uchun dastlabki taklifning summasi.

Oldinroq insayder Fabrisio Romano o‘zbekistonlik hujumchi borasida "Atlanta Yunayted" va "Roma" o‘rtasidagi aloqalar haqida xabar bergan edi. Shomurodov “Roma”da uch yildan buyon o‘ynab kelmoqda, biroq hujumchimiz uch mavsumning ikkitasini A Seriyaning boshqa klublari - “Spesiya” va “Kalyari”da ijara asosida o‘tkazdi.