Ana xolos! Koronavirusni "davolaydigan dori" ichgan 300 kishi o‘ldi

Eron aholisi orasida alkogol ichimliklar orqali koronavirusni davolash haqida soxta ma’lumotlarga ishonganlar ko‘payib ketdi.

Shar’iy qonunlarda alkogolli ichimliklar iste’mol qilish qat’iyan taqiqlangan Eronda koronavirusni "davolash" va "oldini olish" uchun metanolni qabul qilganidan so‘ng 300 ga yaqin odam halok bo‘ldi va mingdan ortiq odam zaharlandi, deb yozadi Associated Press.

Mamlakatda virusni alkogol bilan davolashning samarasi haqida soxta ma’lumotlar, xususan Britaniyaning Daily Mail nashriga asoslanib, ijtimoiy tarmoqlarda tarqalmoqda. 

10 ml dan ichish og‘ir zaharlanishga, 80-150 ml - o‘limga olib keladi. Zaharli ta’sir bir necha soat davomida rivojlanadi.

Zaharlanishning eng oson shakli - bu bosh og‘rig‘i, zaiflik, noqulaylik, titroq, ko‘ngil aynish va qusish. Organizmda metanol formaldegidga oksidlanadi. Xushbo‘y va ta’mni etil spirtidan ajratib bo‘lmaydi. Metanol bilan zaharlanganda antidot etanol hisoblanadi. 

Ilgari xabar berilganidek, bir necha hafta ichida Eronda koronavirusning oldini olish uchun 200 dan ortiq kishi vafot etgan.

Jahon sog‘liqni saqlash tashkiloti koronavirusga qarshi kurash bo‘yicha tavsiyalar bergan va spirtli ichimliklarni iste’mol qilishni qat’iyan taqiqlagan.