Afg‘onistondagi terakt oqibatida olti kishi halok bo‘ldi

Kobul janubi-g‘arbida sodir etilgan xudkushlik hujumida kamida olti kishi halok bo‘ldi, 13 kishi yaralandi.

Bu haqda Afg‘oniston poytaxti polisiya departamenti vakili Xolid Zadran xabar berdi.

"Bugun kunning ikkinchi yarmida Kobulning oltinchi tumanidagi Qal’a Baxtiyor hududida bir kishi qo‘lbola portlovchi qurilmani ishga tushirdi, natijada olti kishi halok bo‘ldi, yana 13 kishi yaralandi portlash natijasida kasalxonaga yotqizildi", dedi u.

X.Zadranning qo‘shimcha qilishicha, polisiya voqea holatlarini o‘rganishni davom ettirmoqda.