Зеленский: "Путин тирик эканлигига шубҳам бор"

Украина президенти Владимир Зеленский Россия президенти Владимир Путин билан музокара қилишдан бош тортди, чунки у Россия Федерацияси раҳбари тирик эканлигига ишончи комил эмас.

Зеленский бу ҳақда 19 январь, пайшанба куни эрталаб Давосдаги йиғилишда айтиб ўтди.

«Бугун мен ким билан гаплашишни ва нима ҳақида гаплашишни унчалик тушунмаяпман. Баъзида хромакейда (матодан қилиниб, фото ва видео съёмка учун мўлжалланган яшил рангдаги орқа фон) пайдо бўладиган Россия президенти ўзи эканлигига ишончим комил эмас. Унинг тириклигини унчалик тушунмаяпман. У қарорларни қабул қиладими ёки кимдир қарор қабул қиладими? Бу одамлар доираси ким? Менда ҳеч қандай маълумот йўқ», деди Украина президенти.