Юриспруденция соҳасида энг долзарб илмий тадқиқот натижалари эълон қилинадиган журнал – "Юридик фанлар ахборотномаси" ҳақида
Ҳозирги вақтда Тошкент давлат юридик университети муассислигида “Юридик фанлар ахборотномаси – Вестник юридических наук – Review of Law Science” ҳуқуқий илмий-амалий журнали Таҳририй-нашриёт бўлими томонидан нашрга тайёрланиб келинмоқда.
Ушбу журнал “Ҳарвард” усулида чоп этиладиган журналлар талабларига мослаштирилган ҳамда бир йилда 4 марта нашр этилади. Журналнинг ҳар бир сонида нуфузли олимлар, етакчи мутахассислар, амалиётчилар ҳамда бошқа соҳа вакилларининг юриспруденциянинг долзарб масалаларига доир илмий мақолалари эълон қилиб борилади.
Мазкур журнал Ўзбекистон Республикаси Вазирлар Маҳкамаси ҳузуридаги Олий аттестация комиссиясининг илмий ишлар натижалари эълон қилинадиган журналлар рўйхатига киритилган. Шунингдек, бўлим ходимлари томонидан мазкур журнални Сcопус журналлар базасига киритиш мақсад қилинган ва бу бўйича тегишли ишлар амалга оширилмоқда.
Мазкур журналимиз орқали фуқароларимиз юридик соҳада олиб борилаётган назарий ва амалий илмий ишлар натижалари билан яқиндан танишиб боришлари мумкин. Шу билан бирга, фуқароларимиз ўзларининг юридик соҳадаги илмий мақолаларини ҳам ушбу журналимизда чоп эттиришлари мумкин. Бундан ташқари, фуқароларимиз учун журналимизнинг мутолаасига талаб бўлса, “Матбуот тарқатувчи” АК билан ҳамкорлик йўлга қўйилган бўлиб, “Матбуот тарқатувчи” АКнинг вилоятлардаги филиалларига ёки тўғридан тўғри Тошкент давлат юридик университетига мурожаат қилиш орқали обуна бўлган ҳолда нашр этиладиган ҳар бир янги сон билан бевосита танишиб боришлари мумкин.
Шоҳруҳ Жаҳонов,
Умид Сапаев,
Екатерина Ярмолик
