Йўловчи автобуси жарликдан пастга қулади. 24 киши ўлгани айтилмоқда
Боливия жанубидаги тоғли ҳудудда йўловчи автобусининг жарликдан қулаши натижасида камида 24 киши ҳалок бўлди ва тўққиздан ортиқ киши жароҳат олди. Бу ҳақда Associated Press маҳаллий полиция ва ОAВ маълумотларига асосланиб хабар бермоқда.
Ҳодиса 12 июнь куни эрта тонгда Чукисака департаментининг жанубий минтақасида, Ла-Паздан 400 км жануби-шарқда юз берган.
Дастлабки маълумотларга кўра, Сукре шаҳрига кетаётган автобус ҳайдовчининг эҳтиётсизлиги туфайли жарликдан қулаган.
Қутқарув операцияси бир неча соатдан бери давом этмоқда. Ўлганлар ва жароҳат олганлар сони, эҳтимол, ошиши мумкин.
Матнда хатолик топсангиз, ўша хатони белгилаб, бизга жўнатинг (Ctrl + Enter).
