"Юкларингизни етказиб бераман" дея фуқароларни чув тушириб келган 19 ёшли йигитчанинг қилмишларига чек қўйилди
!["Юкларингизни етказиб бераман" дея фуқароларни чув тушириб келган 19 ёшли йигитчанинг қилмишларига чек қўйилди "Юкларингизни етказиб бераман" дея фуқароларни чув тушириб келган 19 ёшли йигитчанинг қилмишларига чек қўйилди](/photos/news/kudtt1UR0BMxEjh.jpeg)
——
Андижон вилояти, Андижон туманида яшовчи 29 ёшли Ҳ.М. ИИОга мурожаат қилиб, банк картасидан жами 4.800.000 сўм миқдоридаги пул маблағлари номаълум шахс томонидан фирибгарлик йўли билан ўзлаштирилганлигини маълум қилган.
Тезкор-қидирув хизмати Киберхавфсизлик бўлинмалари ходимлари томонидан ўтказилган тезкор-қидирув тадбирлари натижасида, мазкур жиноятни Фарғона вилояти, Бувайда туманида яшовчи 19 ёшли С.Д. содир этганлиги аниқланган.
Гумон қилинувчи сифатида тергов ҳаракатларига жалб этилган С.Д. "Телеграм" мессенжери орқали Ҳ.М. билан танишган ва юкларини етказиб беришга келишиб, юкларни олиш учун тўлов қилиши кераклигини ва йўл ҳақини хам қўшиб бериши лозимлигини айтиб, алдов йўли билан 4.800.000 сўм миқдоридаги пулларни ўзининг фойдаланувида бўлган банк картасига ўтказиб олган ва ёзишмаларни ўчириб юбориб, унинг қўнғироқларига жавоб бермай, қора рўйхатга киргазиб қўйган.
Мазкур ҳолат юзасидан Ўзбекистон Республикаси ЖКнинг 168-моддаси 3-қисми билан жиноят иши қўзғатилиб, С.Д.нинг содир этилиб фош этилмай қолган бошқа шу турдаги жиноятларга алоқадорлигини текшириш юзасидан тезкор-суриштирув ишлари олиб борилмоқда.
⚠️ Қонунга мувофиқ, Ўзбекистон Республикаси Жиноят кодексининг 168-моддаси 3-қисмидаги жиноий хатти-ҳаракатлар учун 5 йилдан 8 йилгача озодликдан маҳрум қилиш жазоси назарда тутилган.