Йил охиригача Ўзбекистонда зилзиладан огоҳлантириш миллий тизими ишга туширилиши режалаштирилган

Жорий йил охиригача Ўзбекистонда кучли зилзилалар ҳақида огоҳлантирувчи тизимни ишга тушириш учун этишмаётган ускуналарни ўрнатиш режалаштирилмоқда, деб хабар бермоқда «Подробно.уз» мухбири.

Эслатиб ўтамиз, кучли зилзилалар ҳақида эрта огоҳлантириш миллий тизимини босқичма-босқич ишга тушириш 2023 йил декабрида бошланиши режалаштирилган эди.

Бугун Фавқулодда вазиятлар вазирлиги матбуот хизмати раҳбари ўринбосари Самандар Ҳикматуллаев АИМCда бўлиб ўтган матбуот анжуманида ушбу тизимни ишга туширишнинг кутилаётган муддатлари ва ишлаш тамойиллари ҳақида гапирди.

Амалда ер силкинишларини аниқлаш ва хабардор қилиш бир неча босқичда республика ҳудудларида силкинишлар эпицентрини ва уларнинг акс-садосини аниқлайдиган сейсмологик қурилмалар ёрдамида амалга оширилади.

Огоҳлантириш тизимини тўлиқ ишга тушириш учун қўшимча сейсмологик асбоблар, жами 200 дона ўрнатиш зарур.

Бу борадаги ишлар олиб борилмоқда: авваллари 50 га яқин шундай қурилмалар бўлса, ўтган йили яна 9 таси ўрнатилди.Жорий йил охирига қадар етишмаётган қурилмалар босқичма-босқич ўрнатилади.

Қурилмалар фойдаланишга тайёр бўлгач, улар зилзила содир бўлишидан бир неча сония олдин унинг вақти ва кучи ҳақида огоҳлантириши мумкин бўлади. Махсус мобил иловани юклаб олган фойдаланувчиларнинг мобил телефонларига хабарлар юборилади.

Миллий тизим халқаро тизимлар билан интеграциялашган.