Яндекснинг робот-курьери товарларни етказиб беришни бошлади

Яндекснинг робот-курьери товарларни етказиб беришни бошлади

2019 йилнинг кузида Яндекс “Яндекс.Ровер” робот-курери яратилишини эълон қилган эди. Ўшандан бери бу курьер Яндекснинг Москвадаги идораси бўйлаб ҳужжатларни ташишда фойдаланилган ва синовдан ўтказилган. Энди компания роботга янги маҳорат ўқитилганлигини маълум қилди.

Синовнинг янги босқичида Ровер Яндекс хизматчиларига “Беру” онлайн дўконидан товарларни етказиб беришни бошлайди.

Мижоз Ровернинг ҳаракатини смартфонидаги харита ёрдамида кузатиб боради ва у келганидан кейин у хабарнома юборади. Белгиланган манзилга етиб келган роботнинг қопқоғи иловадаги тугмача ёрдамида очилади.

Яндекс яқин келажакда Роверлардан “Яндекс.Еда”, “Яндекс.Лавка” ва бошқа бир қатор логистика билан боғлиқ хизматларда фойдаланишни режалаштирмоқда.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!