Хитой, араб ва ислом давлатлари халқаро ҳамжамиятни Ғазо бўйича "ҳаракатга" чақирмоқда
Хитой халқаро ҳамжамиятни, шунингдек, араб ва ислом давлатларини Исроил-Фаластин можаросига чек қўйиш ва Ғазо секторида гуманитар инқирознинг олдини олишга чақирди.
Бу ҳақда Хитой ташқи ишлар вазири Ван И Пекиндаги "Дяоютай" давлат қароргоҳида бўлиб ўтган Ислом ҳамкорлик ташкилоти (ИҲТ) ва Араб давлатлари лигаси (ЛАС) ташқи ишлар бўлимлари раҳбарлари билан учрашувда айтиб ўтди.
“Халқаро ҳамжамият зудлик билан ҳаракат қилиб, Ғазода гуманитар фалокат давом этмаслиги учун самарали ва ишончли чоралар кўриши керак”, деди Хитой ташқи ишлар вазири.
Ван Йининг таъкидлашича, Ғазода бир ойдан ортиқ давом этаётган можаро ўн минглаб одамларнинг ҳаётига зомин бўлган, уйларнинг 60 фоизи вайрон бўлган, аҳолининг 70 фоизи ўз уйларини тарк этишга мажбур бўлган.
"Ғазодаги вазият бутун дунё бўйлаб одамларнинг қалбини оғритиб, виждонини безовта қилмоқда", - деди у.
Ташқи ишлар вазирининг таъкидлашича, Хитой Фаластин масаласида “адолат тарафида” ва можаро бошланганидан бери кескинликни камайтириш, тинч аҳолини ҳимоя қилиш ва гуманитар ёрдамни кўпайтиришга ҳаракат қилган.
