Хавьер Мендес: "Ҳабиб Гэтжига қарши жангдан олдин тепки касаллигига чалинди"
Енгил вазн тоифасида UFC чемпиони Ҳабиб Нурмагомедовнинг мураббийи Хавьер Мендес Жастин Гэтжига қарши жангдан аввалги тайёргарлик жараёни ҳақида гапирди.
— Бу тайёргарлик томондан олиб қаралганда энг ёмон машғулот лагери бўлди. Омадимиз келмади. Машғулотлар лагерида стафилококк «кезиб юрди» ва кўпчилик касалланди, шунингдек, тепки касали билан ҳам оғридик. Машғулотлардан икки ҳафта олдин Ҳабиб тепки билан оғриди. Мен хавотирга тушдим. Шу туфайли у дастлабки ҳафтада енгил машғулот ўтказди, кейин эса оёқ бармоғини синдириб олди.
Натижада у яна машғулотлардан четда қолди. Бу жуда оғир жараён бўлди, бироқ Ҳабиб менга шундай деди:
«Мураббий, балки, бармоғим сингандир, бироқ ақлим жойида». Унга буни билишимни айтдим. У нима бўлишидан қатъи назар барча қийинчиликларни енгиб ўта олишини билардим, — дейди Хавьер Мендес.
Эслатиб ўтамиз, Ҳабиб Нурмагомедов 24 октябрь куни Абу-Дабидаги (БАА) «Жангчилар ороли»да бўлиб ўтган мусобақада Жастин Гэтжини мағлубиятга учратди. Жангдан кейин россиялик спортчи фаолиятини якунлашини маълум қилди.
