Вашингтондаги жазирамада олти киши ҳалок бўлди
Вашингтон штати тиббий экспертиза бюроси АҚШнинг Тинч океанидаги аксарият штатларини қамраб олган жазирама оқибатида олти киши ҳалок бўлганини маълум қилди, дея хабар берди CBS News.
Кинг округи бюроси маълумотларига кщра, 27 июлдан 30 июлгача бўлган даврда 64 ёшдан 77 ёшгача бўлган уч киши гипертермиядан ҳалок бўлган ва яна 22 ёшдан 67 ёшгача бўлган уч киши жазирама пайтида чўкиб кетган.
Округ миллий об-ҳаво хизмати Сиэтл шаҳрида 26-31 июль кунлари юқори ҳарорат ҳақида огоҳлантирди ва бу олти кунлик иссиқлик рекорди 32,2 даражадан ошиб кетди.
Сиэтл фуқаролик марказининг соғлиқни сақлаш маълумотларига кўра, сешанбадан жумагача Кинг округи иситма билан боғлиқ касалликлар учун тез ёрдам бўлимига 61 марта ташриф буюрган.
Ўтган йили АҚШнинг Вашингтон ва Орегон штатларида, шунингдек, Канаданинг Британия Колумбияси провинциясида июньь ойи охири ва июль ойи бошларида кузатилган жазирама натижасида 800 га яқин одам ҳалок бўлган, ҳарорат Цельсий бўйича 46,6 даражага етган эди.
