Ваколат фақат судда...
Давлат раҳбарининг Тошкент вилоятига ташрифи доирасида тадбиркорлик субьектларининг муаммоларини ҳал этиш, айниқса Давлат идоралари томониданг тадбиркорликнинг мулк дахлсизлигини таъминлашда йўл қўйилаётган камчиликларга алоҳида эътибор қаратилган эди.
Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил томонидан тадбиркорлик субьеклари билан ўтказилган учрашувлар давомида Бўстонлиқ туманидаги “Gazalkent resort” МЧЖ (номи ўзгартирилган) вакили қонуний манфаатларини тиклашда ёрдам беришни сўраб мурожаат қилган.
Маълум бўлишича корхонага ер майдони ажратиб бериш тўғрисидаги туман хокимининг 2018 йилдаги қарори туман прокуратураси томонидан берилган протестга асосан 2021 йил январда бекор қилинган.
Энг қизиқарлиси амалдаги қонунчиликка мувофиқ Давлат органи (мансабдор шахс) нинг маъмурий ҳужжатини бекор қилиш ёки ўзгартириш масаласи тадбиркорликнинг қонуний манфаатларига дахлдор бўлган ҳолатда фақат суд орқали бекор қилиниши мумкинлиги белгилаб қўйилган.
Вакил Девони томонидан Бўстонлиқ тумани хокимининг 2021 йил январь ойидаги қарорини бекор қилиш ва тадбиркорнинг қонуний манфаатларини тиклаб беришни сўраб Нурафшон туманлараро маъмурий судига ариза кирититилди ва суд томонидан Вакил девони талаблари тўлиқ қаноатлантириб берилди.
Бизнес Вакил девони матбуот хизмати
