Ўзбекистоннинг янги элчиси Остонага келди
Ўзбекистоннинг янги тайинланган Фавқулодда ва Мухтор Элчиси Бахтиёр Ибрагимов Қозоғистон пойтахтига келди. Унинг асосий вазифаси Қозоғистон билан муносабатларни ҳар томонлама мустаҳкамлашдан иборат бўлади.
Ўзбекистоннинг янги элчиси 51 ёшда. Тошкент давлат шарқшунослик университети ва Бутунроссия ташқи савдо академиясида таҳсил олган.
Бахтиёр Иброҳимов меҳнат фаолиятини 1994 йилда Ўзбекистон Ташқи иқтисодий алоқалар вазирлигида бошлаб, етакчи мутахассисликдан бош бошқарма бошлиғигача бўлган йўлни босиб ўтган.
2001 йилда Иброҳимов Ўзбекистоннинг АҚШдаги элчихонасига ишга юборилиб, аввалига биринчи котиб, сўнгра савдо-иқтисодий масалалар бўйича маслаҳатчи бўлиб ишлаган. Шундан сўнг Ташқи иқтисодий алоқалар вазирлиги қошидаги турли хўжалик тузилмаларида ишлаган, Вазирлар Маҳкамасида сектор раҳбари бўлган.
2019-2022 йилларда дипломат Ўзбекистонни Бирлашган Араб Амирликларида вакиллик қилган. Иброҳимов, шунингдек, Ташқи ишлар вазирлиги департаменти директори, Ўзбекистон Туризм ва маданий мерос вазири ўринбосари лавозимларида ҳам ишлаган.
Янги элчининг устувор вазифаси Ўзбекистон ва Қозоғистон ўртасидаги алоқаларни мустаҳкамлаш бўлади. Икки мамлакат ўртасида савдо-иқтисодий ҳамкорликни кенгайтириш, қўшма сармоявий лойиҳаларни амалга ошириш ва маданий алоқаларни ривожлантириш бўйича фаол иш олиб бориш режалаштирилган.
