Ўзбекистон ва Туркманистон ТИВ раҳбарлари Ашхободда учрашди
Ўзбекистон ташқи ишлар вазири Бахтиёр Саидов кеча Ашхобод шаҳрида Туркманистон Вазирлар Маҳкамаси Раиси ўринбосари, ташқи ишлар вазири Рашид Мередов билан музокаралар ўтказди, деб хабар бермоқда «Дунё».
«Ашхобод шаҳрида Туркманистон Вазирлар Маҳкамаси Раиси ўринбосари, ташқи ишлар вазири Рашид Мередов жаноблари билан самарали учрашув ўтказдик, - деб ёзди Ўзбекистон ТИВ раҳбари ўзининг telegram-каналида. - Суҳбат чоғида мамлакатларимиз ўртасидаги ҳар соҳада жадал ривожланиб бораётган икки томонлама муносабатларнинг кенг кўламли кун тартибидаги масалаларни кўриб чиқдик».
Эслатиб ўтамиз, Ўзбекистон ва Туркманистон ташқи сиёсат идоралари раҳбарлари 8 ноябрь куни Тошкентда икки томонлама ҳамкорликни янада кенгайтириш масалаларини муҳокама қилган эдилар.
