Уханьда ковид тарқалиши ҳақида биринчи бўлиб эълон қилган хитойлик блогер озодликга чиқди

Уханьдаги биринчи COVID эпидемияси ҳақида хабар тарқатгани учун тўрт йиллик қамоқ жазосига ҳукм қилинган хитойлик блогер озодликка чиқди. Буни “Чегара билмас репортерлар” ташкилоти ҳам тасдиқлади. Собиқ адвокат 2020 йил май ойида ҳибсга олинган. Бу ҳақда Казинформ хабар берди.

Оммавий ахборот воситалари ҳуқуқларини ҳимоя қилиш маркази Чжаннинг ўз вақтида озод этилгани ҳақидаги видео билан бўлишди ва хавотир билдирганларга миннатдорчилик билдирди.

У ўтган ҳафта озод этилиши керак эди, аммо у билан боғлана олмаган дўстлари ва тарафдорлари хавотирга тушишди.

Собиқ адвокат Чжан ҳукуматнинг эпидемияга муносабатини ҳужжатлаштириш учун Уханьга борган.

Оммавий ахборот воситалари ҳуқуқлари маркази ва инсон ҳуқуқлари ташкилотлари Чжан адолатсиз ҳукм қилинганини айтди. “Чегара билмас репортерлар” ташкилоти унинг эркинлиги сезиларли даражада чекланганини маълум қилган.

Интернетда жойлаштирилган қисқа видеода 40 ёшли аёл коридорда пижамасида турибди.

У 2020 йил февраль ойида, COVID-19 пандемияси бошланганидан кўп ўтмай Шанхайдан Уханьга саёҳат қилди ва гавжум касалхоналар, қурбонлар ва ҳақиқий кўрсатгичларни яширганларни танқид қилувчи бир қатор видеоларни суратга олди.

Унинг хабарлари ва мақолалари ижтимоий тармоқларда кенг тарқалди, бироқ у ҳокимият босимига қарамай, танқидий постларни чоп этишда давом этди.

Чжан 2020 йил май ойида “тўқнашувлар ва тартибсизликларни қўзғатганлик” учун қамоққа ташланган, бу амалиёт Хитойда фаолларга нисбатан тез-тез қўлланилади.

Қамоққа олинган биринчи ойларда у овқат ейишдан бош тортди. Унинг адвокатининг айтишича, судланувчини найча орқали мажбуран овқатлантиришган. У 2023 йил июлгача 37 килограмм оғирликда бўлиб, қисман очлик эълон қилган.

Унинг тарафдорлари Чжан қамоқдан озод қилинганини, аммо ҳукуматнинг қаттиқ назорати остида қолаётганини айтишмоқда.