Ўтган йили 19 мингдан зиёд ўзбекистонлик Россия фуқаролигини олди

Россия Ички ишлар вазирлиги ҳузуридаги Миграция бош бошқармаси маълумотига қараганда, ўтган 2019 йилда 498 минг хорижликка мазкур мамлакатнинг фуқаролиги берилган. 

Россия фуқаролигини олганларнинг асосий қисми – қарийб 300 минги украиналикдир. Шунингдек, 50,5 минг қозоғистонлик, 44,7 минг тожикистонлик, 19,4 минг ўзбекистонлик, 9,3 минг қирғизистонлик ва 1,4 минг туркманистонлик ҳам Россия паспортини олган. 

Ўтган йили 13,8 миллион хорижлик миграция рўйхатига олинган, улардан 5,5 миллиони Россияга ишлаш учун келганини маълум қилган. 1,77 миллион хорижлик ишлаш учун патент олган.