Ўрмонда яшаётган ўзбекистонлик ота ва бола ватанга олиб келинди
Кўплаб ОАВ ва ижтимоий тармоқларда Москва вилоятида қийин аҳволга тушиб қолиб, ўрмонда яшаётган Ўзбекистон фуқароси ва унинг етти ёшли фарзанди ҳақида хабарлар тарқалган эди.
Маълум бўлишича, 1974 йилда туғилган Ўзбекистон фуқароси Шуҳрат Жалилов узоқ йиллардан буён Россияда ишлаб келган. Унинг Украина фуқароси бўлган аёлдан 2013 йилда фарзанди туғилган. 2020 йил август ойида боланинг онаси вафот этган.
Ташқи меҳнат миграцияси агентлигининг Россиядаги ваколатхонаси, мамлакатимизнинг Россиядаги элчихонаси, Халқаро миграция ташкилоти ҳамкорлигида уларни ватанга қайратиш билан боғлиқ барча ҳуқуқий ва ташкилий масалалар ҳал этилди.
Бугун, 3 декабрь куни Москва-Тошкент рейси билан учиб келган Шуҳрат Жалилов ва унинг ўғли Амал Жалилов Тошкент халқаро аэропортида Ташқи меҳнат миграцияси агентлиги вакиллари томонидан кутиб олиниб, доимий яшаш жойига кузатиб қўйилди.
