Украинада уруш бошланганидан бери 8,2 мингдан ортиқ тинч аҳоли ҳалок бўлди

Энг-энг / Хориж
A A A
Украинада уруш бошланганидан бери 8,2 мингдан ортиқ тинч аҳоли ҳалок бўлди

БМТ Инсон ҳуқуқлари бўйича Олий комиссияси бошқармаси Украинада тинч аҳоли қурбонлари сони ҳақидаги навбатдаги маълумотларни эълон қилди. Маълумотларга кўра, 2022 йил 24 февралдан 2023 йил 12 мартгача 8231 киши ҳалок бўлган, 12734 киши жароҳатланган.

Россия қўшинлари Украина ҳудудига бостириб кирганидан кейин 3664 нафар эркак, 2173 нафар аёл ҳамда 2 ярим минг нафарга яқин вояга етмаганлар ҳалок бўлган.

Жароҳат олганлар орасида 271 нафар ёш болалар бор эканлиги айтилмоқда.

БМТ маълумотларига кўра, тинч аҳолининг кўпчилиги узоқ масофага ҳаракатланувчи портловчи қуроллардан зарар кўрган. Ташкилот қурбонларнинг ҳақиқий сони бундан ҳам кўпроқ бўлиши мумкинлигини таъкидлади. Ҳалок бўлганлар ва ярадорлар ҳақидаги маълумотларга шиддатли жанглар бўлиб ўтган бир қанча ҳудудларда тўлиқ аниқлик киритилмаган.

Киритилди: 19:48 14.03.2023. Ўқилди: 1051 марта. Фикрлар сони: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!