Туркманистонда шифокорлар оммавий равишда Туркияга кетмоқда. Касалхоналарда беморларга қарайдиган одам қолмади

Туркманистонда шифокорлар оммавий равишда Туркияга кетмоқда. Касалхоналарда беморларга қарайдиган одам қолмади

Туркманистондаги касалхоналар ва тез ёрдам станцияларида ҳамширалар етишмаслиги кузатилмоқда, деб ёзади Fergana News.

Қайд этилишича, бу ҳолат тиббиёт ходимларининг оммавий равишда Туркияга ишга кетаётгани билан боғлиқ. Туркманистонлик шифокорлар Туркияда кекса инсонлар, ногиронлиги бўлган шахслар ва болаларга қарашга кетмоқда.

Туркияда уларнинг иши учун Туркманистондагидан анча яхши ҳақ тўлашади. Хусусан, Туркияда укол қилишни биладиган, яраларни боғлай оладиган дипломли ҳамшира ойига еб-ичиши ҳамда яшаш харажатларидан ташқари 550 доллардан 800 долларгача пул ишлаб топиши мумкин. Уларга ҳақ тўланиши тажриба ва тавсияларга боғлиқ.

Мари вилоятининг Иолетен туманида ҳамширалар бир ярим ставкада ишламоқда.

Баъзида санитар ходимлар ҳам ҳамширалик қилади. Бундан бир неча йиллар олдин ҳамшираларни 0,5-0,75 ставкага ишга олишарди.

Тиббий ходимларнинг етишмаслиги бошқа муаммоларни ҳам келтириб чиқармоқда. Авваллари ҳамширалар ота-оналарни эмлаш зарурати ҳақида огоҳлантириб келган, уларнинг ҳисобини юритган. Ҳозир эса аҳоли ўртасида эмлаш маданияти паст даражада.

Туркманистонда 2014 йилдаги инқироздан кейин мамлакатда меҳнат муҳожирлари сони кескин ортди. Мамлакат фуқаролари учун Туркия энг кўп ишга кетилаётган мамлакат бўлди. Чунки туркманистонликлар ушбу мамлакатда 30 кун визасиз яшаши мумкин. Туркияда Туркманистондан минглаб меҳнат муҳожирлари яшайди ва ишлайди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар


Фикр билдириш учун қайдномадан ўтишингиз сўралади, ва телефон ракамни тасдиклаш керак булади!