Туркияда дунёдаги энг катта тасбеҳ яратилди

Туркиянинг Адана шаҳрида дунёдаги энг катта тасбеҳ тайёрланди. Рекордни йигирма йилдан ортиқ вақт давомида тасбеҳлар яратиб келаётган Носир Фидан ўрнатди.

Маълум қилинишича, уста ҳар бири 27 кг оғирликдаги улкан тошлардан 36 та "тошча" кесишга икки йил вақт сарфлаган. Ҳаммаси бўлиб улкан тасбеҳнинг вазни 1 тоннани ташкил этади.

Ҳозирда у Аданадаги тасбеҳ бозорида бўлиб, яқин келажакда Носир ўз “асари”ни тасбеҳларнинг ноёб нусхаларини тўплайдиган Президент Эрдўғанга совға қилмоқчи.