Туркия Швеция ва Финляндия НАТОга аъзо бўлиш талабларини бажаришига умид қилмоқда

Туркия президенти Ражаб Тоййиб Эрдўғоннинг маълум қилишича, Анқара Туркия расмийларига берилган барча ваъдалар бажарилмагунча Швеция ва Финляндияни Шимолий Атлантика иттифоқига қўшиш масаласида ўзининг принципиал позициясига амал қилиш ниятида.

“Andalou”нинг президентга таяниб хабар беришича, Анқарага берилган ваъдалар бажарилмагунча, Туркия Швеция ва Финляндиянинг НАТОга аъзолиги масаласида принципиал ва қатъий позицияга амал қилади.

Август ойида Туркия ташқи ишлар вазири Мевлут Чавушўғли Швеция ва Финляндия Анқара томонидан илгари сурилган, бу давлатлар НАТОга аъзо бўлишлари учун зарур бўлган талабларни бажармаяпти, деган эди.