Туркия расмийлари гумонланувчи ҳақида Ню-Ёрк полиция департаментини хабардор қилган

Анадолу агентлиги томонидан олинган маълумотларга кўра, Туркия расмийлари маълумот олинганидан сўнг бошланган тергов ишлари натижасида гумонланувчининг шахсини аниқлади.

Туркиянинг Гиресун вилоятида рўйхатга олинган ва Туркияда “танага зарар етказиш, таҳдид қилиш ва наркотик моддалар сақлаш” айби билан судланган Режеп Акбйийкнинг Турк уйига уюштирилган ҳужумга алоқадорлиги аниқланди.

Туркия ҳукумати маълумотни Ню-Ёрк полиция департаментига етказди.

НЙПД терговни кучайтирди ва бир кун олдин гумондор яшаган уйсизлар бошпанасига рейд ўтказди.

Гумонланувчи ҳақидаги ҳисоботда унинг руҳий муаммолари борлиги қайд этилган.

Режеп Акбйик ҳамон қидирувда.

Аввалроқ Туркия ташқи ишлар вазири Мевлут Чавушўғли Анқара Қўшма Штатлардан Ню-Ёркдаги Турк уйига уюштирилган ҳужумга алоқадор шахсларни тезкорлик билан аниқлашини ва Туркия дипломатик ваколатхоналарини зарур ҳимоя билан таъминлашини кутаётганини маълум қилганди.

Туркиянинг Ню-Ёркдаги бош консули Рейҳан Ўзгур воқеа маҳаллий вақт билан соат 03:14 да содир бўлганини айтди. Унинг сўзларига кўра, номаълум шахс консулхонага кириш эшиги ва деразаларини лом билан шикастлаган.

“Ню-Ёрк полиция департаменти воқеа ҳақида зудлик билан хабардор қилинган ва воқеа жойига полиция гуруҳи етиб келган. Ҳужумчи ўзи қўллаган ломни ортда қолдириб, воқеа жойини тарк этди.Жиноятчини қўлга олишни кутаётганимизни маҳаллий ҳукуматга маълум қилдик”, деди Ўзғур.

“Турк уйи” биносида Туркиянинг БМТдаги доимий ваколатхонаси ва Туркия Бош консуллиги ҳам жойлашган.

Худди шу ҳудудда кўплаб мамлакатларнинг, шу жумладан АҚШнинг доимий ваколатхоналари ва бош консулликлари мавжуд.