Трампга Макроннинг Байден ҳақидаги гаплари ёқмади

Трампга Макроннинг Байден ҳақидаги гаплари ёқмади

АҚШнинг собиқ президенти Дональд Трампга Франция президенти Эммануэль Макроннинг Американинг амалдаги етакчиси Жо Байден ҳақидаги мақтовли мулоҳазалари ёқмади, деб ёзади Франциянинг Le Figaro газетаси якшанба куни.

Макрон шу ҳафта бошида Байден билан музокаралар чоғида: "Бизнинг орамизда ҳамкорлик қилишни жудаистаган АҚШ президенти борлиги яхши", деди.

"Сиз етакчилик фазилатларингизни намойиш қилдингиз. Орамизда шериклик бор", - дея қўшимча қилди Макрон Байденга ишора қилиб.

Le Figaro нашрининг ёзишича, Трампга бундай сўзлар ёқмаган.

Трампнинг фикрига кўра, Байден Европа учун ўзига қараганда шунчаки қулайроқ суҳбатдош. "Агар мен ушбу мамлакатларнинг етакчиси бўлганимда, мен ҳам Трамп билан эмас, Байден билан муомала қилишниафзал кўрардим", деди Трамп.

Унинг фикрига кўра, "албатта, уларнинг барчаси Байденга ёқади, чунки энди улар ўзларининг эски фирибгарлик амалиётларига қайтишлари мумкин".

Трампнинг фикрига кўра, Байден даврида Европа Иттифоқи мамлакатлари "ўзларини АҚШ ҳисобига бойитадилар. Улар аввал ҳаммаси ўзгаргунга (Трамп даврида - таҳр.) қадар шундай қилишган".

Байден ҳозирда Буюк Британияда бўлиб, у ерда G7 саммити якшанба куни якунланади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!