Трамп яқинлашиб келаётган бўрон туфайли Уилмингтондаги сайловолди ташвиқотини бекор қилди

АҚШнинг собиқ президенти Доналд Трамп 20 апрель, шанба куни Американинг Шимолий Каролина штати Уилмингтон шаҳрида ўтказилаётган сайловолди ташвиқоти митингини бекор қилди. У шундай қарорга бўрон яқинлашиб келаётгани муносабати билан келган.

Трампнинг сўзларига кўра, унинг тарафдорлари хавфсизлиги биринчи ўринда туради, деб ёзади “ТАСС”.

“Бу энг муҳими. Бизни момақалдироқ, чақмоқ ва жуда жиддий бўрон кутаётганга ўхшайди. Мен жуда афсусдаман. Лекин биз буни албатта қиламиз. Биз буни яхшироқ ва кенг миқёсда қиламиз”, деди у.