“Титаник юлдузи” Леонардо Ди Каприо 16 сентябрь куни “Фейсбук” ва “Инстаграм”га қарши бойкотга қўшилди.

Бойкот ҳақидаги постига Саша Барон Коэннинг ирқчилик ва АҚШ сайловларига аралашув ҳақида гапирган видеони қўшиб қўйган актёр "Мен Фейсбук ва Инстаграмни 24 соатга тўхтаман", деб таъкидлади.

2020 йил ёзида Рангли аҳолини ривожлантириш бўйича миллий ассоциация (NAACP), Америка Қўшма Штатларининг туҳматга қарши ташкилоти (ADL) ва бошқа ҳуқуқ ҳимоячилари "нафрат, зўравонлик ва ирқчилик руҳидаги постлар"га қарши норозилик намойиши доирасида Фейсбук орқали реклама бермасликларини сўраб, тадбиркорлар ҳамда таниқли шахсларга мурожаат қилишди.

“Coca-Cola”, “PepsiCo”, “Unilever”, “Starbucks” ва бошқа брендлар ушбу таклифга рози бўлган ҳолда реклама беришдан бош тортганликларини эълон қилишди. Актёр Эштон Катчер, модель Наоми Кемпбелл ҳамда реалити-шоу юлдузи Ким Кардашьян эса вақтинчалик бойкотга қўшилган юлдузлар орасида бўлишди.