Технологик регламент талабларига зид равишда фаолият юритган метан «заправка» газ таъминотидан ажратилди

«Ўзенергоинспекция» Қашқадарё вилояти ҳудудий бошқармаси томонидан Ғузор туманида фаолият юритаётган «С.» МЧЖга қарашли автомобилларга газ тўлдириш компрессор шохобчасида ўрнатилган технологик жараёнларининг амалдаги меъёр ва қоидаларга мувофиқлиги юзасидан ўрганиш ўтказилди.

Ўрганиш жараёнида ушбу АГТКШ фаолиятида технологик регламент талабларига зид равишда фаолият юритиб келаётганлиги аниқланди.

Ушбу ҳолатдаги қоидабузарликка сабаб бўлувчи омиллар тўлиқ бартараф этилгунга қадар мазкур АГТКШлар табиий газ таъминотидан ажратилди.