TBC Bank Ўзбекистонга киришни режалаштирмоқда

TBC Bank Ўзбекистонга киришни режалаштирмоқда

Грузиянинг TBC банки ўзининг Space рақамли необанки билан Ўзбекистон бозорига киришга тайёр.

Грузиянинг TBC Bank банки Ўзбекистон бозорига киришни режалаштирмоқда, дея хабар қилди Euromoney молиявий диретори Георгий Шагидзе.

Унинг сўзларига кўра, Ўзбекистонда амалга оширилаётган ислоҳотлар Грузия босиб ўтган йўлни эслатади. Биз бу йўлдан ўтдик ҳамда ўзбек бозорига олиб киришимиз мумкин бўлган жуда кучли билим ва имкониятларга эга бўлдик. Биз Ўзбекистон банк сектори учун катализатор вазифасини бажара оламиз , деди Георгий Шагидзе.

TBC Bank Грузиядаги энг йирик банклардан бири. Георгий Шагидзенинг фикрича, ички бозорда эришилган тажриба банкнинг Ўзбекистондаги рақобатда устунлик беради.

TBC Ўзбекистонга ўзининг ўтган йил ёзида ишга туширилган мобил хизматларни кўрсатувчи, бироқ филиалларга эга бўлмаган Space рақамли необанкини олиб киришни режалаштирмоқда.

Space мижозларга турли хил банк хизматлари, жумладан кредитлаш, маҳсулотларни жамғариш ва тўлов карталари хизматларининг кенг спектрини тақдим этади.

Бироқ, Георгий Шагидзенинг сўзларига кўра, Space ўзбекча талқинида келгуси авлод филиаллари шаклидаги жисмоний хизмат жойи мавжуд бўлади.

2019 йил бошида ишга тушиши кутилаётган банк Ўзбекистоннинг мураккаб корпоратив секторидан узоқроқ бўлади ҳамда мижозларга чакана банк хизматларини кўрсатиш, жумладан микро, кичик ва ўрта бизнес билан ишлашга асосий урғу қаратади. Биз жуда енгил ва кенг миқёсли ёндашувдан фойдаланамиз , деди Георгий Шагидзе.

Нашрнинг қайд этишича, TBC банки жорий йилда Ўзбекистонда ўз филиалини очишни режалаштираётган Қозоғистон Халқ банки (Halyk Bank) билан рақобатга киришади.

TBC Bank 1992 йилда ташкил этилган. TBC кўрсатиб келаётган онлайн-банкинг бир неча йил кетма-кет (2012 2015 йилларда) Марказий ва Шарқий Европадаги энг яхши банк мақомига эга бўлди.

Manba: gazeta. uz

Бўлимга тегишли қизиқарли хабарлар


Фикр билдириш учун қайдномадан ўтишингиз сўралади, ва телефон ракамни тасдиклаш керак булади!