Тадбиркорнинг 382,9 млн сўмлик маҳсулотларини ўзлаштирган шахсларга нисбатан жиноят иши қўзғатилди

Бош прокуратура ҳузуридаги Департаментнинг Уйчи туман бўлими томонидан “U.T.” МЧЖнинг мурожаатига асосан ўтказилган терговга қадар текширувда, жамиятга қарашли “Уйчи пахта тозалаш” филиали бўлими бошлиғи М.У. ва бошқалар филиал омборидаги 382,9 млн сўмлик 71,2 тонна чигитни ҳужжатларга қайд қилмасдан сотиб юбориб, ўзлаштириш йўли билан талон-торож қилганликлари аниқланиб, текширув давомида, МЧЖга етказилган зарарнинг 219,4 млн сўми ундирилган.

Мазкур ҳолат юзасидан М.У. ва бошқаларга нисбатан Жиноят кодексининг 167-моддаси (талон-торож қилиш) билан жиноят иши қўзғатилиб, тергов ҳаракатлари ўтказилмоқда.