Стикер учун юборилган айрим аризалар асоссиз рад этилган, энди улар қайта кўриб чиқилади

Кеча Давлат хизматлари агентлиги автомашинаси учун стикер олиш мақсадида Ягона портал орқали юборилган 50 мингга яқин аризалар 2 соат ичида автоматик тарзда  рад этилгани тўғрисида хабар берганди.

Бугун my.gov.uz портали ушбу аризалар орасида асоссиз рад этилган аризалар ҳам кузатилганини маълум қилди.

❗️Юзага келган ҳолатни инобатга олиб, барча аризалар индивидуал ёндашув билан қайта кўриб чиқилиши тўғрисида қарор қабул қилинган. Бошқача айтганда автоматик рад қилиш функцияси унчалик ҳам ўзини оқламаган, шу сабабли яна индивидуал (ручной) тизимга ўтилган.

Агар Сиз аризангизга асоссиз рад жавоб олдим деб ҳисобласангиз, аризангиз ҳолатини ушбу ҳаволадан ўтиб қайта текширишингиз мумкин:
https://my.gov.uz/uz/site/task-view