“Space X”дан Tesla`гача. “Ўзбекистонлик” фильмининг тақдимоти қандай ўтди?

Ўзбекистоннинг Берлиндаги элчихонасида “Ўзбекистонлик” халқаро форуми ва хорижда муваффақиятга эришган ватандошларимиз ҳақида ҳикоя қилувчи “Ўзбекистонлик” фильмининг иккинчи эпизоди премьераси бўлиб ўтди.

Форумнинг очилишида Бош вазир ўринбосари, Туризм ва маданий мерос вазири Азиз Абдухакимов ўз видеомурожатини намойиш этилди. Форум доирасида “Aral Dream” халқаро PR дастури тақдимоти ўтказилди.

Форумнинг якунловчи қисмида “Ўзбекистонлик” фильмининг иккинчи эпизоди премьераси намойиш этилди. Ёшлар ишлари агентлиги директори Алишер Саъдуллаев ғоя муаллифи сифатида форум қатнашчилари қаршисида видеомурожат орқали сўзга чиқди.

Режиссёр Мухлиса Азизова томонидан суратга олинган фильмда икки нафар ватандошимиз босиб ўтган мураккаб йўл ва улар эришган ютуқлар ҳақида сўз боради. Улардан бири – Дмитрий Богданов. Бугун ҳамюртимиз дунёга машҳур миллиардер Илон Макснинг “Space X” компанияси учун сунъий йўлдошларни етказиб берувчи ExoLaunch компанияси асосчисидир.

Навоийлик Муштарий Шарифованинг ҳикояси томошабинларни бефарқ қолдирмаслиги аниқ. У Tesla компаниясига ишга кирган илк ўзбекистонлик қиз бўлди.

Фильмини Uzbekistan’s Club Youtube-каналида томоша қилиш мумкин.