Смартфонини ёнида олиб ётадиганларга қандай касалликлар хавф солади?

Уйқу пайтида севимли смартфонингизни ўзингиздан узоқроққа қўйганингиз маъқул. Бу ҳақда невропатолог Мария Игнатова хабар берди.

"Телефон экранининг кўк чироқлари кўзларга, биологик ритмларга салбий таъсир қилади, уйқусизлик, бош оғриғини келтириб чиқаради, иш фаолиятини пасайтиради, хотирани заифлаштиради ва дегенератив кўз касалликларини келтириб чиқаради", – деди мутахассис.

Шу билан бирга, неврологнинг эслатишича, баъзи одамлар гаджетларга қарам бўлиб, уларни кўз олдида сақлашни маъқул кўради. Мутахассиснинг тушунтиришича, ухлаш вақтида смартфонни ётоқдан камида 2 метр масофада сақлаш керак, шунингдек гаджетни тармоқдан узиб қўйиш лозим.

Радиочастота нурланишининг одамларга зарарли таъсирини таъкидлаб, Мария Игнатова ушбу махсус нурланишнинг ҳозирги кунда смартфонлар томонидан салбий таъсири исботланмаганлигини тушунтирди.

Шу билан бирга, невролог таъкидлаганидек, бошқа гаджетларнинг радиочастота нурланиши инсон танасининг тўқималарига сингиб кетади ва организмга салбий таъсир кўрсатади. Бунинг оқибатлари орасида мутахассис неврологик касалликларнинг кўпайишини, бепуштлик ва саратон хавфини қайд этди. Болалар, юрак-қон томир ва асаб тизимларининг бузилишларидан азият чекадиган одамлар, шунингдек, ҳомиладор аёллар электромагнит майдонларга айниқса сезгир.