Швейцариянинг энг йирик банки UBS мамлакатнинг иккинчи йирик банкини сотиб олиш бўйича музокаралар олиб бормоқда

Швейцариянинг энг йирик банки UBS мамлакатнинг иккинчи йирик банки Credit Suisseни сотиб олиш бўйича музокаралар олиб бормоқда, деб ёзади Financial Times.

Аввалроқ Credit Suisse ички назоратнинг заифлигини тан олган ҳисоботини эълон қилган эди. Банк акциялари деярли 30 фоизга арзонлашди.

16 март куни Швейцария миллий банки Credit Suisseга 50 миллиард франкгача (тахминан 53,7 миллиард доллар) кредит беришга мажбур бўлди. Бироқ, бу кредит ташкилоти акцияларининг тушишидан сақлай олмади - йирик инвесторлар банкка қўшимча капитал беришдан бош тортдилар ва бадавлат мижозлар томонидан маблағларни олиб қўйиш давом этди. Натижада, мақолада айтилишича, 17 март кунги савдолар якунига кўра, Credit Suisse капиталлашуви UBSнинг 56,6 миллиард долларига нисбатан 8 миллиард долларга тушиб кетган.