Шоҳжаҳон Эргашев рингга қайтаётганига муносабат билдирди
Профессионал боксчимиз Шоҳжаҳон Эргашев рингга қайтаётганига муносабат билдирди.
"Рингга ва ўз ишимга қайтаётганимдан хурсандман. Бу имконият менга рейтингда юқорироқ кўтарилишга ва иккинчи уйим ҳисобланган Детройт шарафини ҳимоя қилишга ёрдам беради. Мен Ўзбекистоннинг Фарғона вилоятида улғайганман, лекин фаолиятимни шу ерда бошлаганман. Детройтни яхши кўраман.
Нафақат жанглар, балки машғулотлардаги муҳит ҳам мени илҳомлантиради. Мен ўзимни бахтли ҳис қиляпман ва мухлислар учун қизиқарли шоу кўрсатишни режалаштиряпман", - деди Эргашев хориж нашрига берган интервьюсида.
Аввалроқ Шоҳжаҳон Эргашевнинг рақиби ўзгаргани ҳақида хабар берган эдик.
Матнда хатолик топсангиз, ўша хатони белгилаб, бизга жўнатинг (Ctrl + Enter).
