Шимолий Осетияда ниқоб кийишни тўхтатиш тавсия қилинди

Шимолий Осетияда ниқоб кийишни тўхтатиш тавсия қилинди

Бу ҳақда республика мусулмонлари бош диний бошқармаси маълум қилди, деди Шимолий Осетия муфтийси ўринбосари Ибрагим Дзагуров «ТАСС»га. Аввалроқ Шимолий Кавказ мусулмонлари фаолиятини мувофиқлаштириш маркази ниқоб кийиш мусулмонларга амалий зарар етказишини билдирган эди.

«Шимолий Кавказ мусулмонларини мувофиқлаштириш маркази томонидан ниқоб кийишни тақиқлаш бўйича қабул қилинган резолюцияга мувофиқ, Шимолий Осетия Республикасида ҳам ушбу қарорга амал қилишни тавсия қиламиз», — деди Дзагуров.

Шу билан бирга, у Россия Федерациясида виждон эркинлиги ва диний бирлашмалар тўғрисидаги қонунлар мавжуд бўлгани учун республикада ниқаб кийишни бутунлай тақиқлаб бўлмаслигини таъкидлади.

Илгари ниқоб кийишни вақтинчалик тақиқлаш Доғистон ва Карачай-Черкесия ҳукумати томонидан киритилган эди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!