Шавкат Мирзиёев Афғонистоннинг хорижий банклардаги давлат активларини эритишга чақирди
Бу ҳақда Ўзбекистон раҳбари Душанбедаги ШҲТнинг юбилей саммитида айтиб ўтди.
Президентнинг сўзларига кўра, Афғонистонда бугун янги воқелик шаклланган, янги кучлар ҳокимиятга келган. Шу муносабат билан у мазкур мамлакатдаги вазиятга мувофиқлаштирилган ёндашувларни ишлаб чиқиш ҳамда унинг янги ҳокимимияти билан мулоқотни ривожлантириш зарурлигини билдирди.
"Бу борада Aфғонистоннинг хорижий банклардаги давлат активларини эритиш имкониятини кўриб чиқиш керак", – деди Мирзиёев.
Бу мамлакатдаги ҳаракатларни бирлаштириш ва сиёсий тартибга солиш масалаларини кенг муҳокама қилиш учун Президент кузатувчи давлатлар ва мулоқот шерикларини жалб қилган ҳолда "ШҲТ-Афғонистон" форматида олий даражадаги учрашувларни мунтазам ўтказишни таклиф қилди. Биринчи учрашув учун платформа сифатида Тошкент таклиф қилинган.
Россия президенти Владимир Путин ҳам ўз чиқишида "ШҲТ-Афғонистон" форматининг қайта тикланиши ҳақида гапириб ўтди.
