Саудия Арабистони Подшоҳлиги билан ҳамкорлик кенгайтирилмоқда

Саудия Арабистони Подшоҳлиги билан ҳамкорлик кенгайтирилмоқда

2022 йил 13-16 май кунлари Саудия Арабистонига ташрифи чоғида “Ўзтўқимачиликсаноат” уюшмаси раҳбарияти ҳамда мамлакатимизнинг йирик тўқимачилик компаниялари вакиллари бошчилигидаги Ўзбекистон делегацияси араб корхоналари раҳбарияти билан бир қатор учрашувлар ўтказди.

Жумладан, “Al Madinah Al Munawarah Carpet and Ihram Factory Co” ишлаб чиқариш корхонасининг тижорат директори жаноб Чаудри Муҳаммад Аслам билан бўлиб ўтган учрашув якунлари бўйича ип-калава, тайёр газлама, мўйнали маҳсулотлар ва эҳром етказиб бериш бўйича келишувга эришилди.

600 нафар ходимга эга ва Саудия Арабистони Қироллигидаги меҳмонхоналар учун эҳром ва Ҳаж миссиялари учун уй текстили етказиб берувчи корхона ўтган йили 50 миллион доллар даромад келтирган. Тайёр маҳсулотлар импорти ҳажми 20 млн долларни ташкил этади.

Корхона, шунингдек, Саудия Арабистони Подшоҳлиги ҳарбий бошқармалари учун мато ва кийим-кечакларни етказиб беради.
Жаноб Аслам музокаралар олиб бориш ва ҳамкорликни йўлга қўйиш мақсадида яқин келажакда Ўзбекистонга ташриф буюриш ниятида экани, маҳаллий корхоналар фаолияти ва маҳсулотлари билан яқиндан танишиш учун катта қизиқиш билдирди.

Шунингдек, делегация сафари чоғида Наманган тадбиркорлари томонидан тўқимачилик маҳсулотлари, хусусан, маиший тўқимачилик маҳсулотларини етказиб бериш бўйича 1 миллион долларлик шартнома имзоланди.
Музокаралар чоғида айни пайтда жуда муҳим масала - етказиб бериш учун логистика транспорт йўлакларини ривожлантириш масаласига ҳам тўхталиб ўтилди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!