Санкт-Петербургда россиялик эркак озиқ-овқат учун навбатда турганларга ўқ узди

Санкт-Петербургда бир россиялик эркак озиқ-овқат учун навбатда турганларга ўқ узди. "Фонтанка" хабарига кўра, воқеа 1 август, якшанбага ўтар кечаси Невский туманидаги дўконлардан бирида содир бўлган. Нашрнинг таъкидлашича, бу одам маст бўлган.

Эркак бир неча бор ўқ узишга муваффақ бўлди, ҳеч ким жароҳат олмади. Полиция аниқлашича, отишма уюштирган эркак 34 ёшда, ҳеч қаерда ишламайди ва дўкон ёнидаги уйда яшайди. Қурол экспертизага юборилган, ўқ отганга нисбатан жиноий иш қўзғатилиши мумкин.