Санкт-Петербургда 22 ёшли ўзбекистонлик йигитни поезд босиб кетди

Россиянинг Ленинград вилоятидаги темир йўлда қўли йўқ эркакнинг жасади топилди. Бу ҳақда 78.ru хабар берди.

Нашрнинг ёзишича, жасад Санкт-Петербург яқинидаги Цвилево ва Тихвин станциялари орасидан топилган. Дастлабки маълумотларга кўра, марҳум — 22 ёшли Ўзбекистон фуқароси.

Йигит қулоқчин билан смартфонга қараган ҳолда поезд олдидан ўтишга уринган. Унинг смартфон ушлаган панжаси темир йўл қопламасидан 3 метр наридан топилган.

Ҳолат юзасидан ҳуқуқ-тартибот идоралари текширув ўтказмоқда.