Самарқандда хотинини бегона билан кўриб қолган эркак уни ўлдириб, ўз ҳовлисига кўмган
Самарқандда қайнотасининг уйида хотинини бегона эркак билан кўриб қолган 27 ёшли йигит уни ўлдириб, ўз ҳовлисига кўмган. Жиноят тафсилотлари ҳақида “Бу кун” информацион дастурида батафсил айтиб берилди.
Воқеа тафсилотларига кўра, йигит қайнотасининг уйида яшаб келаётган аёлини олиб кетиш учун борган. Дарвоза ичкарисидан аёлининг бегона эркак билан шахсий масалада гаплашаётганини эштириб қолади. Бундан ғазабланиб, девор олдида турган ўткир тиғли жисм билан Б.нинг пешона қисмига ва ошхона пичоғи билан танасининг бошқа бир неча қисмларига уриб, қасддан ўлдирган. Маълум бўлишича, эр-хотиннинг 3 фарзанди бўлган.
“Aввал ҳам бунга ўхшаш ҳолат бўлган эди. Бу одамни уйимда кўрганимда, уни телефонимга видеога олиб, оиламни тинч қўйиши ҳақида огоҳлантиргандим. Иккинчи бор бу ҳол такрорлангач, чидаб туролмадим ва у билан уришиб кетдим ва ўлдириб қўйдим”, дейди гумонланувчи.
Йигит жиноятини яшириш мақсадида марҳумнинг жасадини полиетилен пакетга ўраб, ўз машинасида яшаш хонадонига олиб борган ва ҳовлисига кўмган.
Ҳозирда ҳолат юзасидан тегишли тартибда жиноят иши қўзғатилган бўлиб, суриштирув-тергов ҳаракатлари олиб борилмоқда.
