Россиянинг Вашингтондаги элчиси Россия чегаралари яқинида парвозларни тўхтатишга чақирди

Россиянинг Вашингтондаги элчиси АҚШни учувчисиз учоқ ҳодисасидан кейин Россия чегаралари яқинида парвозларни тўхтатишга чақирди

«АҚШ ҳарбийларининг чегараларимиз яқинида қабул қилиб бўлмайдиган фаоллиги хавотирга сабаб бўлмоқда. Биз бундай учувчисиз разведка ва зарба берувчи машиналар қандай мақсадда қўлланилаётганини жуда яхши тушунамиз», - деди Анатолий Антонов.

Унинг сўзларига кўра, ПУАлар разведка маълумотларини тўплайди, кейин эса Киев Россияга зарба бериш учун фойдаланади. Эслатиб ўтамиз, аввалроқ Антонов Қора денгизда Америка учувчисиз самолёти билан содир бўлган воқеани провокация деб атаган эди.