Россиялик ММА жангчиси Александр Емельяненко ислом динини қабул қилди

Россиялик ММА жангчиси Александр Емельяненко ислом динини қабул қилди

Россиялик ММА жангчиси Александр Емельяненко ислом динини қабул қилди. Бу ҳақда Расул Магомедалиев малум қилди.

Мутахассиснинг айтишича, 42 ёшли россиялик аллақачон Мадинага ташриф буюрган.

“Мусулмонларнинг 100 фоизи у ерга боради. Шунинг учун у буни қабул қилдими ёки йўқми деган савол ҳам йўқ”, - деди Магомедалиев Спорт24 нашрига берган интервюсида.

Шунингдек, у Александрга спиртли ичимликларга қарамликни енгишга ким ёрдам берганини айтди: "Бизнинг ингуш биродарларимиз уни оёққа турғизди ... Ва умид қиламанки, у бошқа бу ҳолатга қайтмайди".

Александр Емельяненко собиқ ProFC жаҳон чемпиони. Жанговар самбо бўйича кўп марта Россия ва жаҳон чемпиони, жанговар самбо бўйича Европа чемпиони. Александр Емельяненко профессионал ММАда 40 та жанг ўтказган, шулардан 29 тасида ғалаба қозонган (20 тасини нокаут билан), 10 марта ютқазган ва битта жангда дуранг қайд этган.

2023 йилнинг ёзидан бери 42 ёшли Емельяненко Ингушетиядаги реабилитация марказида алкоголизмдан даволанмоқда, деб ёзади Россия ОАВ. 2024 йил бошида спортчи Саудия Арабистонидаги мусулмонлар учун муқаддас Мадина шаҳрига ташриф буюргани маълум бўлди. Ижтимоий тармоқларда у Абубакар исмини танлаган видео пайдо бўлди. Александрнинг ўзи бу воқеани ҳали очиқламади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!