Россияга қарши санкциялар сабаб олтинга бўлган талаб рекорд даражада ошди
Олтинга талаб 2022 йилда 18 фоизга ошиб, 4741 тоннани ташкил этди, бу 2011 йилдан бери энг юқори кўрсаткичдир. Бу ҳақда World Gold Council (WGC) маълумотларига таяниб, Financial Times хабар бермоқда.
Марказий банклар томонидан қимматбаҳо металлар сотиб олиниши туфайли талаб ортди, ўтган йили бу кўрсаткичлар 55 йиллик энг юқори даражага етди. Ўтган йилнинг тўртинчи чорагида марказий банклар томонидан олтин харид қилиш ҳажми 417 тоннани ташкил этди, бу 2021 йилнинг шу даврига нисбатан 12 баравар кўпдир. Йиллик ишлаб чиқариш ҳажми ўтган йилга нисбатан икки баравар кўпайиб, 1136 тоннани ташкил этди.
WGC таҳлилчиси Кришан Гополнинг айтишича, банклар қимматбаҳо метални танлаган, чунки захира валюталаридан фарқли ўлароқ, у хорижий ҳукуматлар томонидан назорат қилинмайди. Бундан ташқари, марказий банклар АҚШнинг санкциялар туфайли Россия Марказий банки фаолиятини музлатиб қўйиши фонида ўз захираларини диверсификация қилишни ва доллардаги инвестицияларни қисқартиришни истамоқда.
