Россияга ҳужум кўлами АЭСга яқинлашмоқда
![Россияга ҳужум кўлами АЭСга яқинлашмоқда Россияга ҳужум кўлами АЭСга яқинлашмоқда](/photos/news/GfyOByRwiehT2id.jpeg)
Россиялик мернинг айтишича, украиналик ҳарбийлар Курск атом электр станциясига яқинлашмоқда. «Вазият кескин», дея қўшимча қилди у.
Россиянинг Украина билан чегарадош Курчатов шаҳри мери, украина кучлари жума куни мамлакатга ҳайратланарли бостириб киришганини ва атом электр станцияси томон олдинга бораётганини айтди, деб ёзади Wашингтон Пост.
Бу янгилик можаро Россия тупроғига кириб боришда давом этишидан қўрқиб, тинч аҳоли Курск вилоятидан эвакуация қилинишда давом этаётган бир пайтда пайдо бўлди. Ҳарбий қўмондонлар ҳам жанг давом этаётган Курск вилоятига бутун мамлакатдан қўшимча кучларни юборишга киришган.
Душанба куни Украина кучлари Украинанинг Россия билан шимоли-шарқий чегарасида жойлашган Курск вилоятида ҳужум операциясини бошлаб, Россиянинг 20 дан ортиқ қишлоқлари ва Суджа шаҳрининг бир қисмини эгаллаб олди, деб ёзади Wашингтон Пост. Озарбайжоннинг Вести.аз нашри жума куни кечқурун Курчатов мери Игор Корпунков Телеграмъдаги баёнотида «жанглар атом станциясидан бир неча ўнлаб километр узоқликда» эканини айтганини маълум қилган.
«Вазият кескин, фавқулодда ҳолат жорий қилинган. Бироқ, барча хизматлар ва корхоналар, жумладан, шаҳар ҳокимлиги ҳам нормал ишламоқда. Мен шахсан шаҳардаман, иш жойимдаман, вазиятни кузатиб боряпман», — дея қўшимча қилди Корпунков.
Урушни ўрганиш институтининг пайшанба куни хабар беришича, Украина қўшинлари Россия ҳудудига 35 километр масофада кириб борган. Гуардиан хабарига кўра, Россия ҳукумати жума куни кечқурун Курскда федерал фавқулодда ҳолат эълон қилди, чунки Украина кучлари Э38 трассасида бутун Россия ҳарбий коллонасини йўқ қилган.