Россияда Европа Иттифоқининг 81 та оммавий ахборот воситалари блокланди

Россияда Европа Иттифоқининг 81 та оммавий ахборот воситалари блокланди

“РИА Новости”, “Известия” ва “Российская газета”нинг Европа Иттифоқида (ЕИ) трансляциясини тақиқлашига жавобан Россия Европа Иттифоқининг ўнлаб оммавий ахборот воситаларидан фойдаланиш имкониятини чеклади. Рўйхатга 81 та нашр ва агентлик киритилган. Улар орасида Agence France-Presse, Politico, La Stampa и La Repubblica, El Pais ва El Mundo, Der Spiegel бор.

"Россия томони бир неча бор ва турли даражаларда маҳаллий журналистларга нисбатан сиёсий сабабларга кўра таъқиб қилиш ва Россия оммавий ахборот воситаларига Европа Иттифоқи ҳудудидаги асоссиз тақиқлар эътибордан четда қолмаслиги ҳақида огоҳлантирган" - дейилади Россия Ташқи ишлар вазирлиги сайтида.

Рўйхатга 25 давлатнинг ОАВлари киритилган. Улар орасида Германиянинг Die Zeit журнали, Польшанинг Belsat телеканали, Франциянинг Le Monde ва Liberation газеталари, Euobserver интернет нашри, Швециянинг SVT телерадиокомпанияси бор эди. ТИВнинг қўшимча қилишича, агар Россия оммавий ахборот воситаларига қўйилган чекловлар олиб ташланса, Россия томони ҳам “кўрсатилган медиа операторларига нисбатан ўз қарорини қайта кўриб чиқади”.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!