Россия ва Қозоғистон ўртасидаги «дон уруши»
Қозоғистон Қишлоқ хўжалиги вазирлиги буйруғи билан Қозоғистон ғалласининг Россияга экспорти тўхтатилди, деб хабар қилди пайшанба куни давлат темир йўл компанияси.
Шу ҳафта Россиянинг Росселхознадзори Қозоғистондан Россияга бир қатор қишлоқ хўжалиги маҳсулотлари, жумладан, дон, помидор, қалампир ва кунгабоқар уруғлари экспортини вақтинча тўхтатишни сўради. Мурожаат сабаби сифатида бошқарма зараркунандалар ва касаллик қўзғатувчиларнинг тез-тез аниқланаётганини кўрсатди. Шу муносабат билан Росселхознадзор Қозоғистон Қишлоқ хўжалиги вазирлигидан ушбу товарларни Россияга экспорт қилиш учун фитосанитария сертификатларини беришни вақтинча тўхтатишни сўраган.
Қозоғистон Дон иттифоқи вакили Евгений Карабанов вазиятни савдо урушига яқин деб баҳолади. Қозоғистон оммавий ахборот воситалари хабар беришича, Россияда норасмий кўрсатма мавжуд бўлиб, унга кўра чегара хизматлари ва Россия темир йўллари раҳбарияти Қозоғистон қишлоқ хўжалиги маҳсулотларини Россияга киритишни рад этмоқда ҳамда уларнинг транзитига тўсқинлик қилмоқда.
